Bugun, 5-aprel kuni Toshkent shahrida Parlamentlararo ittifoqning 150-yubiley assambleyasi doirasida Parlament ayol a’zolari forumining 39-sessiyasi boshlandi. Bu haqda Oliy Majlis Senati xabar berdi.

Tadbirda dunyoning turli burchaklaridan 200 dan ortiq parlament a’zolari, ayol-yetakchilar va ekspertlar ishtirok etmoqda. Ular gender tenglik, ayollarning siyosiy yetakchiligi va inson huquqlari bilan bog‘liq eng muhim masalalarni muhokama qiladilar.

Forum doirasida 40 yillik yubiley nishonlanib, 39-sessiya prezidenti etib O‘zbekiston Oliy Majlis Senati Raisi Tanzila Narbayeva saylandi.

Ishtirokchilar kun tartibini tasdiqlab, gender tenglikni ilgari surish bo‘yicha so‘nggi tashabbuslar, jumladan, Parlament ayol a’zolari byurosining Jeneva va Toshkent sessiyalaridagi muhokamalar, Gender hamkorlik guruhi faoliyati hamda tashabbuslarini ko‘rib chiqdilar.

• O‘zbekiston
• Tanzila Narbayeva