Xitoyning kibermakon masalalari boʻyicha boshqarmasi (Cyberspace Administration of China) internet regulyatori taniqli shaxslarning ijtimoiy tarmoqlardagi postlarini tartibga keltirish uchun ishlab chiqilgan qoidalar roʻyxatini taqdim etdi. Ulardan Xitoy jamiyatining “anʼanaviy qadriyatlari”ni targʻib qilish talab etiladi.

Bundan tashqari, taniqli yulduzlar va fan-klublarga mish-mishlar, yolgʻon maʼlumotlar tarqatish taʼqiqlanadi. Regulyator ijtimoiy tarmoqlardagi postlar sonini tekshirib turadi, ularning qancha vaqt mobaynida qayta joylanishini nazorat qiladi. Bundan tashqari, Xitoy hukumati tomonidan ushbu qoidalarni buzadigan yulduzlarning doimiy ravishda yangilanib turadigan roʻyxati ham tuziladi.

23-noyabr kuni Butunxitoy adabiyot va sanʼat xodimlari uyushmasi 88 nafar yulduzga internetda jonli efir qilishni taqiqlagan. Ular orasida jinsiy zoʻravonlikda ayblangan xonanda Kris Vu ham bor.

• San’at
• Xitoy
• mashhurlar