Yamandagi husiylar harakati Qo‘shma Shtatlarda “terrorchi tashkilot” maqomini oldi. Bu haqda AQSh Davlat departamentining tegishli bayonotida qayd etildi.
Bu Trampning 22-yanvardagi tegishli farmoni kuchga kirganligini anglatadi.
Farmonda ta’kidlanishicha, 2023-yildan beri husiylar Eron Islom inqilobi qo‘riqchilari korpusi ko‘magida AQSh dengiz kuchlari harbiy kemalariga o‘nda ortiq hujumlarni uyushtirgan.
“2014-2015-yillarda husiylar fuqarolik infratuzilmasiga ko‘plab hujumlar uyushtirdi, jumladan Saudiya Arabistonidagi fuqarolik aeroportlariga bir necha marta hujumlar uyushtirdi, 2022-yil yanvarida Birlashgan Arab Amirliklariga hujumlar uyushtirdi va 2023-yil oktyabr oyidan beri Isroilga 300 dan ortiq snaryadlar otdi”, – deyiladi hujjatda.
“Husiylarning harakatlari Yaqin Sharqdagi amerikalik tinch aholi va xodimlar xavfsizligiga, eng yaqin mintaqaviy hamkorlarimiz xavfsizligiga va global dengiz savdosi barqarorligiga tahdid soladi”, deyiladi Davlat departamenti bayonotida.
Husiylarning harakatlariga javoban AQSh rasmiylari Qizil dengizda navigatsiya erkinligini ta’minlash va kemalarni himoya qilish maqsadida xalqaro koalitsiya tuzilgani va “Gardian of Prosperity” operatsiyasi boshlanganini e’lon qildi. Buyuk Britaniya va AQSh qurolli kuchlari Yamanning turli viloyatlaridagi husiylarning harbiy nishonlariga muntazam zarba bera boshladi.
6°
Kechasi 0°
