Turkiyaning Istanbul shahrida “Yevroosiyo goʻzali” xalqaro tanlovining final bosqichi boʻlib oʻtdi. Boshqirdistonlik Nursilya Faxritdinova tanlovning mutlaq gʻolibasi deb topildi.

Final bosqichi 10 kun davom etgan. Unda turli mamlakatlardan tashrif buyurgan 23 nafar qiz qatnashgan. Ishtirokchilar tanlovda oʻz mamlakatlarining milliy liboslarini taqdim etishgan, ijodiy chiqishlar boʻyicha bellashishgan.

Tanlov gʻolibasi Nursilya Faxritdinova Boshqirdiston Respublikasining Baymoq tumanida dunyoga kelgan.

Eslatib oʻtamiz, bundan bir necha hafta avval Armanistonning Yerevan shahrida “MDH goʻzali” xalqaro tanlovi boʻlib oʻtgan edi. Unda Qozogʻiston vakilasi Diana Pirtanova gʻolib boʻlgan, Oʻzbekiston nomidan esa model Zarina Xolova ishtirok etgan.

• tanlov