Bugun, 25-fevral kuni Yevropa futbol uyushmasining (UEFA) Nyon shahridagi shtab-kvartirasida Yevropa ligasi 1/8 finaliga qur’a tashlash marosimi bo‘lib o‘tdi.

Unga ko‘ra, “Barselona” Turkiyaning “Galatasaroy” jamoasi bilan, “Sevilya” esa “Vest Xem” bilan bahs olib boradigan bo‘ldi.

“Reynjers” (Shotlandiya) – “Srvena Zvezda” (Serbiya)
“Braga” (Portugaliya) – “Monako” (Fransiya)
“Portu” (Portugaliya) – “Lion” (Fransiya)
“Atalanta” (Italiya) – “Bayer” (Germaniya)
“Sevilya” (Ispaniya) – “Vest Xem” (Angliya)
“Barselona” (Ispaniya) – “Galatasaroy” (Turkiya)
“RB Leypsig” (Germaniya) – “Spartak” (Rossiya)
“Betis” (Ispaniya) – “Ayntraxt” (Germaniya)

Ma’lum qilinishicha, Rossiya-Ukraina mojarosi sabab “Spartak” mezbonlik qiladigan uchrashuv neytral maydonda o‘tkazilishi belgilandi.

Qayd etish mumkin, 1/8 finalning dastlabki o‘yinlari 10-mart kuni bo‘lib o‘tadi. “Portu” va “Real Betis” uchrashuvi “Braga” va “Sevilya” o‘yiniga mos kelmasligi uchun 9-mart kuni o‘tkaziladi.

Shuningdek, javob o‘yinlari 17-martga belgilangan.

Eslatib o‘tish mumkin, turnirning amaldagi g‘olibi Ispaniyaning “Vilyarreal” jamoasi hisoblanadi.

• Barselona
• Futbol
• UEFA