Yevroparlament Yevropaning yirik shaharlari tarmog‘i bo‘lmish Eurocities bilan birgalikda yordam berish uchun elektr generatorlarini berishni taklif qildi.

Chunki, Rossiyaning mamlakat energetika infratuzilmasiga uyushtirgan hujumlaridan so‘ng Ukraina joriy qishda gumanitar falokat yoqasida turibdi.

Ukrainada hozirda o‘n millionga yaqin fuqarolar elektr energiyasisiz yashamoqda, bir qator hududlarda qor yog‘a boshlagan, ba’zi hududlarda havo harorati -10 gradusgacha tushib ketgan.

Yevropa ushbu generatorlarni hujumlar tufayli elektr, isitish va ichimlik suvisiz juda qiyin qishga duch kelayotgan muayyan hududlarga yordam berish uchun yaqin kunlar ichida yetkazib beradi.

“Biz o‘z so‘zlarimizni faktlarga aylantirmoqchimiz Ukrainaliklar energetika bo‘yicha haqiqiy favqulodda vaziyatga duch kelishmoqda”, — dedi Yevroparlament prezidenti Roberta Metsola matbuot anjumanida.

“Ushbu parlament Ukraina bilan gumanitar, harbiy va moliyaviy jabhalarda ajoyib birdamlik ko‘rsatdi. Endi qishdan o‘tish uchun ularga amaliy yordam kerak”, - deya qo‘shimcha qildi u.

Metsolaning aytishicha, generatorlar uylar, shifoxonalar va maktablar uchun asosiy quvvatni tiklaydi.
Matbuot anjumani chog‘ida Ukrainaga jo‘natiladigan generatorlar soniga aniqlik kiritilmagan.
Ammo Eurocities prezidenti Dario Nardella 200 ta shaharning har biri bir nechta generatorni jo‘natishini aytdi.

• AQSh
• Rossiya
• Ukraina