Fransiyaning “Cahiers du Cinéma” jurnali 2021-yilning eng yaxshi 10 ta filmi roʻyxatini eʼlon qildi.

Roʻyxatdagi yetakchi oʻrinni Kelli Rayxardt tomonidan suratga olingan “Birinchi sigir” filmi egallagan. Ushbu film 2019 yilda taqdim etilgan boʻlsa ham, uning raqamli taqdimoti joriy yilning sentyabr oyida boʻlib oʻtgan. Drama Gʻarb mamlakatlari boʻylab sayohat qilayotgan oshpaz va xitoylik muhojir oʻrtasidagi doʻstlik haqida hikoya qiladi.

Ikkinchi oʻrindan Leos Karaksaning “Annett” filmi oʻrin olgan. Stendap-komik va opera xonandasining oilaviy hayoti haqida suratga olingan film Kann kinofestivalining ochilish marosimida namoyish etilgan edi. U “Eng yaxshi rejissyor” va “Eng yaxshi bastakor” nominatsiyalari boʻyicha mukofotni qoʻlga kiritgan.

Kuchli uchtalikni tailandlik kinorejissyor Apitchatpon Virasetakul tomonidan suratga olingan “Xotira” filmi yakunlab bergan. Filmning bosh qahramoni Kolumbiyaga koma holatidagi opasini parvarish qilish uchun keladi. Bu yerda uni gʻalati ovoz taʼqib qilishni boshladi, oqibatda ayol reallik bilan aloqani butunlay yoʻqotib qoʻyadi.

Eng yaxshi filmlar roʻyxatiga “Mashinamni boshqar”, “Superyulduz”, “Fransuz darakchisi: “Liberli ivning san” gazetasiga ilova”, “Qiz va oʻrgimchak”, “Sovuq hisob-kitob”, shuningdek “Vasvasa” filmlari ham kiritilgan.

• Kino
• San’at
• qiziqarli