“YouTube” bosh direktori Syuzan Voychiski o‘z lavozimini tark etishini ma’lum qildi. Bu haqda “Tech Crunch” portali xabar bermoqda.

Qayd etilishicha, Voychiski xodimlarga yo‘llagan maktubida u yangi bobni boshlash hamda uni oila, sog‘lik va o‘zi qiziqqan shaxsiy loyihalarga bag‘ishlamoqchi ekanligini aytgan.

Endilikda katta vise-prezident lavozimini direktor o‘rinbosari Nil Moxan egallaydi. Voychicki kelgusida “Google” va “Alphabet” korporatsiyasida maslahatchi vazifasida ish boshlaydi.

“Men Nilni qo‘llab-quvvatlashni rejalashtirmoqdaman, buning uchun “YouTube”ning ba’zi jamoalari bilan ishlashni davom ettirish, jamoa a’zolarini o‘qitish va ijodkorlar bilan uchrashish kiradi”, – deydi sobiq direktor.

Aynan Voychiski, “YouTube”ning muvaffaqiyatga erishishini to‘g‘ri baholay olgan. U 2006-yilda “Google” rahbariyatiga videoxostingni sotib olishni taklif qildi. O‘shandan beri Syuzan ushbu loyihaga javobgar bo‘lgan va 2014-yildan bosh direktor lavozimida ishlagan.

• YouTube