2025-yil 9-noyabr kuni YUNESKOning yangi saylangan Bosh direktori Xolid Al-Anani Buxoro biyennalesiga tashrif buyurdi. Uning tashrifi YUNESKO O‘zbekistonning madaniy tashabbuslarini qo‘llab-quvvatlashi va xalqaro muloqotni mustahkamlashda san’atning muhimligiga urg‘u berdi.
Tashrif davomida Al-Anani biyennale ekspozitsiyalari bilan tanishib, uning yuqori darajada tashkil etilgani, taqdim etilgan badiiy yondashuvlarning xilma-xilligi va zamonaviy san’atning shahar tarixiy muhiti bilan uyg‘unligini qayd etdi.
O‘zbekiston Madaniyat va san’atni rivojlantirish jamg‘armasi tomonidan tashkil etilgan Buxoro biyennalesi an’analar va innovatsiyalarni birlashtirib, Buyuk Ipak yo‘lining eng qadimiy shaharlaridan birida turli ijod va iste’dod sohiblarining uchrashuvi uchun maydon yaratishda davom etmoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!