“Yura davri dunyosi 3: Hukmronlik ” ilmiy-fantastik filmi daromadi jahon prokatida bir milliard dollardan oshib ketdi. Filmning bunday natijaga erishishi uchun ancha vaqt kerak bo‘ldi.

2022-yil 22-sentabr, payshanbaga kelib, “Yura davri dunyosi-3” o‘z uyida 376 million dollardan, xalqaro prokatda esa 624 million dollardan sal ko‘proq daromad keltirdi. Kartina butun dunyo bo‘ylab 1 milliard dollar yig‘gan “Universal” kompaniyasining yettinchi kinoloyihasi bo‘ldi. Franshizaning o‘zi hozirda 6,02 milliard dollar yig‘moqda.

Kris Pratt , Brays Dallas Xovard , Laura Dern , Jeff Goldblum va Sem Nil rollarini ijro etgan kartina iyun oyi boshida taqdim etilgan va birinchi ikki hafta ichida butun dunyo bo‘ylab 500 million dollardan ortiq daromad keltirgan. O‘sha oyda u 600 million dollar ishlab topdi va pandemiya davrida buni amalga oshirgan beshta Gollivud filmidan biriga aylandi.

• Kino
• qiziqarli