Ukraina prezidenti Volodimir Zelenskiy Rossiya Qurolli Kuchlari ehtiyojlarini ta’minlovchi 322 kompaniyaga qarshi sanksiya qo‘ydi. Bu haqda Zelenskiy o‘zining videomurojaatida aytib o‘tdi.

Zelenskiy Milliy xavfsizlik va mudofaa kengashining Rossiyaga qarshi yangi sanksiyalar haqidagi qarorini ma’qullaganini ta’kidladi.

Sanksiyalar birinchi navbatda Rossiya harbiy-sanoat kompleksiga qaratilgan edi. Cheklovlar 322 ta kompaniya, jumladan, qurol-yarogʻ, butlovchi qismlar va shunga oʻxshash ishlab chiqaruvchilarga nisbatan joriy etildi.

“Boshqa sanksiyalar roʻyxatiga Rossiyaga sanksiyalarni chetlab oʻtishga yordam beradigan hamda Rossiya Federatsiyasida ham, Ukrainada ham erkinlikni yoʻq qilishda ishtirok etgan yuridik va jismoniy shaxslar ham bor”, – dedi Zelenskiy.

Uning taʼkidlashicha, barcha sanksiyalar paketlari “mufassal ravishda ishlab chiqilmoqda”.

“Shunga koʻra, Rossiyaga qarshi sanksiyalar rejimi qanchalik qattiqroq boʻlsa, terrorchi davlat va unga aloqador barcha shaxslarga, butun Rossiya urush iqtisodiyotiga nisbatan cheklovlar shunchalik koʻp boʻlsa, tajovuz shunchalik tez tugaydi”, – dedi Zelenskiy.

• Rossiya
• Sanksiya
• Zelenskiy