Ukraina Prezidenti Vladimir Zelenskiy BMT Bosh Assambleyasida ishtirok etish uchun Nyu-Yorkka boradi va u yerda AQSh rahbari Donald Tramp bilan Ukraina uchun xavfsizlik kafolatlari haqida gaplashadi. Bu haqda Ukraina u 19-sentyabr kuni jurnalistlar bilan uchrashuvda ma’lum qildi.

Zelenskiyga ko‘ra, AQShda Rossiya tomonidan o‘g‘irlab ketilgan ukrainalik bolalarni qaytarish bo‘yicha sammit bo‘lib o‘tadi. Hozircha sammitda ishtirok etishga 38 delegatsiya tayyor.

“Uchrashuvlarda Qrim platformasi ham bo‘ladi. Shuningdek, biz taxminan o‘nlab mamlakatlarga ishonamiz. Ko‘p sonli ikki tomonlama uchrashuvlar bo‘ladi: biznes, texnologiya, mudofaa”, – deya ta’kidlagan Ukraina rahbari.

Uning so‘zlariga ko‘ra, ehtimol Ukraina va AQSh birinchi xonimlarining gumanitar masalalar, bolalar bo‘yicha uchrashuvi bo‘lib o‘tishi ham mumkin.

Zelenskiy Nyu-Yorkda Tramp bilan Ukraina uchun xavfsizlik kafolatlarini muhokama qiladi.

“Biz Amerika Qo‘shma Shtatlari yaqin bo‘lishini hisobga olib, Yevropa borishga tayyor bo‘lgan xavfsizlik kafolatlari uchun asos tayyorladik. Biz ko‘p muhokamalar o‘tkazdik, turli darajalarda, shu jumladan armiyalarimiz va bosh shtab rahbariyatimiz yevropaliklar, amerikaliklar bilan muloqot qildik”, – degan Prezident.

Vladimir Zelenskiy Nyu-Yorkdagi BMT Bosh Assambleyasida Ukraina delegatsiyasini boshqaradi.

Ma’lumot uchun, BMT Bosh Assambleyasining 80-sessiyasidagi yuqori darajadagi hafta 23–29-sentyabr kunlari bo‘lib o‘tadi.

• AQSh
• BMT
• Nyu-York
• Tramp
• Ukraina
• Zelenskiy
• uchrashuv