31°
Kechasi 18°
20-sentyabr kuni soat 13:00 lar atrofida Toshkent viloyati Bo‘stonliq tumani Yakkatut qishlog‘iga yondosh Burchmulla davlat o‘rmon xo‘jaligi hududida yong‘in kelib chiqqan.
Voqea joyiga o‘rmon xo‘jaligi mas’ullari, 40 nafardan ziyod ishchi-xodimlar, 10 nafar ushbu mahalladagi yong‘in qutqaruv guruhi ko‘ngillilari hamda tuman IIB xodimlari yetib borishgan. Ularning sa’y-harakatlari bilan yong‘in shu kuni soat 14:40 da to‘liq o‘chirilgan.
Ma’lum qilinishicha, yong‘in oqibatda 1,5 gektarga yaqin yer maydonidagi qurigan o‘tlar yongan. Yong‘in Yakkatut qishlog‘ida yashovchi 1956-yilda tug‘ilgan fuqaro S.D.ning texnika xavfsizligiga rioya qilmasdan ichimlik suvi metall quvurini payvandlashi oqibatida kelib chiqqan.
Ushbu fuqaroga nisbatan O‘zbekiston Respublikasi MJTKning 84-moddasi 3-qismiga asosan ma’muriy bayonnoma rasmiylashtirilgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
