So‘nggi kunlarda ijtimoiy tarmoqlarda “15 yoshli qizni kim turmushga berdi?” sarlavhasi ostida tarqalgan xabarlar yuzasidan Ijtimoiy himoya milliy agentligi o‘rganish olib bordi. O‘rganish ishlari davomida ushbu holat Denov tumanidagi “Ozod” mahallasida yashovchi fuqaro A.R. bilan bog‘liq ekani aniqlangan.

2025-yil iyul oyida qizni turmushga berish harakati bo‘yicha mahalla yettiligi va ijtimoiy xodimlar tomonidan hamkorlikda tekshiruv o‘tkazilib, voyaga yetmagan shaxsni turmushga berish qonun hujjatlariga zid ekani ta’kidlangan va oilaga ogohlantirish berilgan.

Shunga qaramay, 2025-yil 10-avgust kuni nikoh marosimi o‘tkazilgani ma’lum bo‘lgan. Ushbu holat bo‘yicha mahalliy profilaktika inspektori tomonidan qonunchilikka muvofiq ma’muriy javobgarlik chorasi qo‘llanib, aybdorlarga jarima belgilangan.

Hozirda A.R. Denov tumanidagi kasb-hunar maktabida ta’lim olayotgan bo‘lib, uning huquqlari va ta’lim jarayoni mutasaddilar tomonidan doimiy nazoratga olingan.

• Agentlik
• Ijtimoiy himoya
• Surxondaryo
• denov