Oshko‘klar inson organizmining vitamin zaxirasini to‘ldiradi, immun tizimi, me'da, jigar va buyrakka yaxshi ta'sir ko‘rsatadi. Go‘sht, baliq mahsulotlari solib tayyorlangan ovqatlarni, yangi uzilgan ko‘katlar bilan iste'mol qilish koni foyda. Ularning noyob tarkibi ham shundan dalolat beradi.

1. Ismaloq — oziq moddalariga boyligi bo‘yicha oshko‘klar ichida birinchi o‘rinda turadi. U A, V1, V2, V5, V6, V9, S, Ye, H, PP, K vitaminlari, temir, kalsiy, magniy, natriy va fosfor, aminokislotalar va efir moyiga ega. Ismaloq organizmni shlaklardan tozalaydi. Ichak, qon tomirlari faoliyatini yaxshilaydi.

2. Ko‘k piyoz ham A, V1, V2, V5, V6, V9, S, Ye, K, RR, xolin, temir, kaliy, kalsiy, magniy, mis, natriy, selen, rux va fosforni o‘zida mujassamlashtirgan. Uning noyob tarkibi kishini virusli infeksion kasalliklardan himoya qiladi.

3. Yalpiz A, S vitaminlari guruhi i V9 vitamini, temir, kaliy, kalsiy, magniy, marganets, mis, natriy, rux, fosfor kabi mikro va makroelementlarga boy. Bo‘g‘im kasalliklari, bosh og‘rig‘ini davolaydi. Yalpizdan tinchlantiruvchi vosita sifatida ham foydalanishadi.

4. Petrushka A, V1, V2, V5, V6, V9, S, E, H, K, RR, xolin, temir, kalsiy, kaliy, magniy, mis, natriy va fosforning manbasidir. Qon bosimini me'yorga keltiradi, gastrit, jigar kasalliklarini davolaydi, milklarni mustahkamlaydi.

5. Selder. Bu oshko‘k ham boshqa ko‘katlar kabi o‘zida A, V1, V2, V6, V9, S, Ye, K vitaminlari, temir, kaliy, kalsiy, magniy, natriy va fosforni saqlaydi. Organizmni toksinlardan tozalash, vaznni kamaytirishga hissa qo‘shadi.

6. Rayhonning tarkibidan ham barcha vitaminlar va makro va mikroelementlarni topasiz. Muattar hidli ko‘katdan yo‘talni, og‘iz bo‘shlig‘i kasalliklarini davolash, jigarni tozalashda foydalaniladi.

7. Ukrop. A, V1, V2, V5, V6, V9, S, Ye, RR vitaminlari, temir, kaliy, kalsiy, magniy, mis, marganets, natriy, rux va fosforni o‘zida mujassamlashtirgan. Ovqat hazm qilish jarayonini, qon aylanishini yaxshilashda, organizmdagi shlak va safroni haydashda ishtirok etadi. 8. Rukkola. A, V1, V2, V3, V6, V9, S, Ye, K vitaminlarini o‘zida saqlaydi. Qondagi shakar miqdorini kamaytiradi, to‘plangan tuzlarni parchalaydi. Me'da-ichak faoliyatini yaxshilaydi.

P.S. O‘zimizda yetishtiriladigan oshko‘klardan qo‘ymasin :-) koni foyda…