31°
Kechasi 18°
Namangan viloyatida maktab o‘quvchisiga nisbatan sodir etilgan jinsiy zo‘ravonlik holati Bolalar ombudsmani nazoratiga olindi.
Aniqlanishicha, 2026-yil 28 mart kuni Yangiqo‘rg‘on tumanida yashovchi fuqaro H.D tuman IIB ga murojaat qilib, voyaga yetmagan farzandi O.O (2013-yilda tug‘ilgan qiz bola) tumandagi umumta’lim maktabi 6-sinfda o‘qishi, mazkur maktabning o‘qituvchisi T.Sh (1973-yilda tug‘ilgan erkak) uning farzandiga nisbatan jinsiy zo‘ravonlik sodir etganligini bildirgan.
Mazkur holat yuzasidan Yangiqo‘rg‘on tumani IIB Tergov bo‘limi tomonidan O‘zbekiston Respublikasi Jinoyat kodeksining 119-moddasi 4-qismi bilan jinoyat ishi qo‘zg‘atildi.
Gumonlanuvchi T.Sh protsessual tartibda ushlanib, unga nisbatan qamoqqa olish ehtiyot chorasi chorasi qo‘llanilgan.
Hozirda dastlabki tergov harakatlari olib borilmoqda.
Bolalar ombudsmani o‘z vakolati doirasida bolaga qarshi sodir etilgan jinoyat ishi yurituvi hamda jabrlanuvchi-bolaning protsessual huquqlari ta’minlanishi yuzasidan o‘z kuzatuvini davom ettiradi.
“Bu haqda qo‘shimcha tarzda ma’lumot beriladi”, – deyiladi Bolalar Ombudsmani xabarida.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
