Sport bilan shug‘ullanganda tizzalar ko‘p travma oladigan joy hisoblanadi. Jarroh-ortoped Maykl Styuart bunday holatlarga qachon jiddiy qarash kerak, qachon e'tiborsiz bo‘lish lozimligi haqida to‘xtalib o‘tadi.

Yaqinda “The New York Times”ning rasmiy saytida shu mavzu yuzasidan doktor Styuart bilan intervyu o‘tkazildi. Ma'lum bo‘ldiki, bo‘g‘imlardagi qirsillash tovushi “krepitatsiya” deb nomlanarkan. Bunday holatda bo‘g‘imlarda havo pufakchalari paydo bo‘ladi va bo‘g‘imlar harakati natijasida ular yoriladi. Shu sabab tizzalardan ana shunday tovush chiqadi. Juda kam hollarda paylar o‘zining egiluvchanligini yo‘qotadi, oqibatda ularning ishqalanishi natijasida shu ovoz yuzaga keladi.

“Tizzamdagi g‘ichirlashlar meni asabimga tegardi. Ular faqat cho‘kalab o‘tirganimda sodir bo‘lardi. Keyinchalik shu narsani payqadimki, mana shu qisirlashlardan so‘ng oyog‘im dam olgandek bo‘ladi. Shunday ekan tizzadagi qirsillashlar juda ham yomon emasligini his etdim va buni tagiga yetishni istab qoldim”, — deydi u.

Styurt faqatgina bitta savolga javob topish kerak edi: bo‘g‘imlardagi qirsillash og‘riq bilan kuzatiladimi?

Agar sport mashqlari paytida kuchli og‘riq bo‘lsa va oyoqqa og‘irlik tushsa bu artirit bilan bog‘liq masala. Bunday holatda, albatta, doktorga uchrashish kerak.

Bunday qirsillashlar tizzalaringizga haddan ortiq og‘irlik tushirganingizda sodir bo‘ladi. Misol uchun, haddan tashqari keskin o‘tirib yuborish. Professionallar bunday holatda me'yorni bilish kerakligini tavsiya etishadi.

Juda kuchli cho‘kala tushish natijasida tizza bo‘g‘ini bo‘kilishi kerak bo‘lgan joydan pastga tushib ketadi va u ko‘tarishi kerak bo‘lgan yukdan ko‘p yuk ko‘taradi. Maykl Styuartning aytishicha buning natijasida tizzalarga tana og‘irligidan sakkiz karra ko‘proq og‘irlik tusharkan. Endi bunga qo‘shimcha ravishda shtangani qo‘shing va shunda nima uchun qirsillashlar kelib chiqishini tushunib yetasiz

Bir necha maslahatlarimiz bor:

Agar siz tizzalaringizga og‘irlik tushishini istamasangiz sport mashqlari paytida 90 daraja burchaklikda o‘tiring.

Agar tizzalardagi qirsillash og‘riq bilan kechsa, darrov mutaxassis-doktorga uchrang.

Chuqur o‘tirish hech qanday gap so‘zsiz bo‘g‘inlarga ziyon yetkazadi.

Tizzilardagi og‘riqsiz qirsillash “krepitatsiya” deb nomlanadi va ziyonsiz hisoblanadi.