Telegram ilovasining 5.9 versiyasidan keyingilarida hamma ham bemalol qimirlab turuvchi stikerlarni yaratishi mumkin. 

Telegram platformasida qimirlab turuvchi stikerlarni yaratish uchun bizga quyidagilar kerak bo‘ladi: 

1. Adobe After Effects dasturi.

2. Adobe After Effects’dagi vektorli obyektlarni animatsiyaga aylantirish uchun eksport qilish imkonini beradigan vektorli grafik muharrir.

3. Adobe After Effects’dan TGS (telegramda qimirlovchi stikerlarni yaratish tizimi)ga o‘tkazish uchun Bodymovin-TG plagini. 

Texnik talablar

1. Rasm hajmi 512x512 piksel bo‘lishi kerak. 

2. Stikerning obekti tashqariga chiqmasligi kerak.

3. Animatsiya davomiyligi 3 soniyadan oshmasligi kerak.

4. Animatsiya aniq bo‘lishi kerak.

5. Stikerning hajmi 64 kb dan oshmasligi kerak.

6. Bitta to‘plamdagi barcha stikerlar bir xil FPS (30 yoki 60) bo‘lishi kerak.

7. Stikerni animatsiyaga aylantirishda Adobe after Effects’ning quyidagi xususiyatlaridan foydalanib bo‘lmaydi: Expressions, Masks, Mattes, Layer Effects, Images, Solids, Texts, 3D Layers, Merge Paths, Star Shapes, Gradient Strokes, Repeaters, Time Stretching, Time Remapping, Auto-Oriented Layers.

Agar ushbu vositalardan biri ishlatilsa, Bodymovin-TG yordamida animatsiyani eksport qilish imkonsiz bo‘lib qoladi.

Stikerlarni yuklab olish

Stikerlar tayyor bo‘lgach “@stickers bot”iga /newanimated/ buyrug‘ini berasiz. Keyin esa TGS fayliga kirasiz. 

Bundan tashqari, to‘plamingizga maxsus ikonka kerak bo‘ladi. Animatsion stikerlar to‘plami uchun piktogrammalar 100×100 pikselli o‘lchamda bo‘lishi kerak, harakatlanish davomiyligi esa 3 soniyadan oshmasligi lozim.