UEFA Chempionlar Ligasi chorak finalidan o‘rin olgan dastlabki uchrashuvlar o‘tkazildi. Unda “Real Madrid” Londonda “Arsenal”ga qarshi maydonga tushgan bo‘lsa, ikkinchi o‘yinda “Bavariya” o‘z uyida “Inter”ni qabul qildi.

“Emirates Stadium” o‘tgan bahsda “to‘pchilar” Anchelotti jamoasi va amaldagi musobaqa chempionlari ustidan yirik 3:0 hisobida g‘alaba qozondi. Uchrashuvning 58-daqiqasida jarima zarbasini me’yoriga yetkazib ijro etgan Deklan Rays hisobni ochdi. Oradan 12 daqiqa vaqt o‘tib, yana Rays yana jarimadan gol urib dubl qayd etdi. Mikel Merinoning goli esa uchrashuvda so‘nggisi bo‘ldi va “Real” javob o‘yini oldidan o‘z imkoniyatlarini ancha tushirib yubordi. Yakuniy hisob 3:0 “Arsenal” foydasiga.

Kunning ikkinchi uchrashuvi Germaniyada “Allianz Arena”da tashkil etildi. Qiziqarli bahsda “Bavariya” Milanning “Inter” klubini qabul qilib, 1:2 hisobida mag‘lubiyatga uchradi. O‘yindagi ilk golni 38-daqiqada Lautaro Martines kiritdi. 85-daqiqaga kelib esa Tomas Myuller hisobni tenglashtirdi. Uchrashuvdagi hal qiluvchi palla 88-daqiqaga to‘g‘ri keldi. Frattezi o‘z goli bilan “Inter”ning safardagi g‘alabasini ta’minladi.

• Arsenal
• Bavariya
• Chempionlar Ligasi
• Futbol
• Inter
• Real