Bu siz tatib koʻrgan chizkeyklar ichidagi eng yaxshisi ekani turgan gap!

Kerakli masalliqlar:

Asos uchun:

• Krekerlar – 145 gr

• Sariyogʻ – 120 gr

• Shakar – 70 gr

• Un – 35 gr

Chizkeyk uchun:

• Limon sedrasi – 2 dona

• Tvorogli pishloq – 400 gr

• Qandupa – 150 gr

• Joʻxori kraxmali – 25 gr

• Tuxum – 3 dona

• Qaymoq – 150 gr

• Vanil tayoqchalari – 2 dona

• Banan pyuresi – 180 gr

Tayyorlanishi:

1. Krekerlar blenderda maydalab olinadi.

2. Pechenye uvoqlari gʻalvirdan oʻtkazilgach, yumshatilgan sariyogʻ, shakar va un bilan qorishtiriladi.

3. Aralashma folga qozogʻi toʻshalgan qolip ichiga solinadi va chetlari tekislab chiqiladi. Keyin esa 1 soatga muzxonaga joylab qoʻyiladi.

4. Limon sedrasi qirgʻichdan oʻtkaziladi.

5. Pishloq, qandupa va limon sedrasi oʻzaro aralashtirib olinadi.

6. Qaymoq ichiga urugʻlari olib tashlangan vanil tayoqchasi solinadi va olov ustiga qoʻyib qaynash holatiga keltiriladi.

7. Pishloqli massa ichiga joʻxori kraxmali solingach, ustidan uchta tuxum chaqiladi.

8. Qaymoq qaynab chiqqandan soʻng ichiga banan pyuresi qoʻshiladi.

9. Qaymoqli massa asosiy aralashma ustidan quyiladi.

10. Pechenyeli asos muzxonadan chiqarilgach, ichiga chizkeyk quyiladi va 105 darajada haroratda taxminan 3 soat pishiriladi.

11. Tayyor chizkeyk taʼbga koʻra bezatiladi.

Manba