Toshkentdan Surxondaryoga o‘zi yo‘lovchisi bo‘lib kelgan “lCobalt rusumli avtomashinani olib qochgan bola ushlandi. U YPX xodimini ham sudrab ketgan. Bu haqda viloyat IIB xabar berdi.

Qayd etilishicha, joriy yilning 7-may kuni soat 22:18 larda ichki ishlar bo‘limiga vaziyat yuzasidan xabar bildirilgan. Mazkur holat o‘rganilib, yo‘lovchini viloyat miqyosida to‘sib ushlash rejalashtirilgan.

Ma’lum qilinishicha, mashinani olib qochgan shaxs Jarqo‘rg‘on tumaniga yetganida ichki ishlar xodimlarining to‘xtash ishorasiga bo‘ysunmay qochgan. Uni to‘sish uchun qo‘yilgan darvozani ham urib yuborgan.

Shunday bo‘lsa-da, o‘sha kuni soat 23:40 larda xodimlar Cobalt ni ushlashga muvaffaq bo‘lgan.

“Qarzim bor edi shu sababli olib qochdim. Totalizatordan 2 ming dollar qarzga botgan edim. Mashinani berib pul olib turmoqchi edim. Qilgan ishimdan pushaymonman. Harom o‘yinlar o‘ynamanglar, oxirini mana ko‘rib turibsizlar”, deydi bola.

Hozirda mazkur holat bo‘yicha jinoyat ishi qo‘zg‘atilgan.

• Surxondaryo
• YPX