Fransuz olimlari COVID-19 92 daraja issiqlikda 15 daqiqa davomida qizdirilish oqibatida nobud bo‘lishini ma’lum qilishgan edi. Ammo har doim ham bunday daraja issiqlikda qizdirishning imkoni bo‘lmaydi. Rossiyalik virusolog Anatoliy Alshteyn fransuz hamkasblarining tajribasiga to‘xtalgan holda, virusni o‘ldirishning boshqa usullari borligi haqida so‘zladi.  

“Qaynagan suv eng yaxshi vosita. Biz ovqat tayyorlash vaqtida u 100 darajadan ortiq issiqlikda qiziydi. Shuningdek, ushbu virus yuvuvchi vositalar ishtirokida kir yuvish jarayonida ham nobud bo‘ladi. Bunda suv harorati yuqori bo‘lishi shart emas”, deydi virusolog olim.

Olim kir yuvishdagi suv harorati virusni o‘ldirishga hatto ojizlik qilib qolishi mumkinligini aytmoqda. Agarki, unga yuvuvchi vositalar qo‘shilsa, u virusni kuchsizlantiradi. Bunday reagenlar virusning lipid qavatiga halokatli ta’sir ko‘rsatib, uni parchalab yuborar ekan. Shu sababli kir mashinasida virusning yashab qolishiga hech qanday imkon yo‘q.

Virusolog meva-sabzavotlarni yeyishdan avval oqava suvda yaxshilab yuvish kerakligini ta’kidlab o‘tdi. “Virusni, albatta, uzoq vaqt yuqori haroratda qizdirish nobud qiladi. Virusning ta’sir qilishi uning dozasiga bog‘liq. Masalan, likobchangiz virus bilan to‘la bo‘lsa-yu, siz uni yuvib viruslardan 100 foiz tozalolmagan bo‘lsangiz ham, virus dozasi kamaygan bo‘ladi. Kichik doza kimnidir zararlay olishi dargumon”, deb qo‘shimcha qiladi olim.
Shunday ekan, imkon qadar ehtiyot choralariga amal qilamiz...