Dunyodagi eng qadimgi shaharlarning aksariyati endi xarobalar va arxeologik joylarga aylandi. Biroq, ularning ba’zilarida qadimiylik zamonaviy sivilizatsiya bilan qo‘shni. Bu shaharlar olov va suvdan o‘tdi, vaqtning izmiga bo‘ysunmay hamon yashab kelmoqda. Tarix va sirli muhitga to‘lib-toshgan shaharlar hamon odamlar bilan gavjum.

Jericho, Falastin

Dunyodagi eng qadimgi shahar miloddan avvalgi 6800-yilda paydo bo‘lgan. Bu esa bu yerda odamlar ancha oldin yashay boshlaganini anglatadi. Eirixo minorasining devorlari bu yerning ancha qadimiy shahar ekanidan dalolat beradi. Arxeologlar bu yerdan tarixdan meros qolgan haqiqiy boyliklar to‘plamini topishgan. Iordan daryosi bo‘yida joylashgan Jericho Falastin davlatining bir qismi hisoblanadi. Bugungi kunda Jerichoda 20 mingga yaqin aholi istiqomat qiladi.

Damashq, Suriya

Ba’zi tarixchilar Damashqni yer yuzidagi eng qadimiy shahar deb bilishadi. Ammo bu boradagi muhokamalar hamon davom etmoqda. Ayrim olimlarning ta’kidlashicha, u miloddan avvalgi 10 000-yilda tashkil topgan. Suriya poytaxti qadimiy buyumlar ombori hisoblanadi. Afsuski, ko‘plab madaniy boyliklar harbiy yurishlar vaqtida yo‘q bo‘lib ketgan. Ammo bugungi kungacha Damashq noyob va diqqatga sazovor joylari bilan dunyoning eng qadimiy poytaxti sanaladi.

Bibl, Livan

Shaharning zamonaviy nomi bir paytlar finikiyaliklarga tegishli bo‘lgan dunyodagi eng qadimgi shaharlardan biri hisoblanadi. Bibl qadimda dunyoning muhim portlaridan biri bo‘lgan. Uning tili, bibl xati hanuzgacha olimlar tomonidan o‘rganilmagan. Bibl o‘zida ko‘plab qadimiy sirli, madaniy va tarixiy meroslarni saqlaydi.

Luksor, Misr

Mashhur ochiq osmon ostidagi muzey bir paytlar Qadimiy Misrning poytaxti bo‘lgan. Shuningdek, Luksor dunyoda Fiva tarixiy nomi bilan tanilgan. Misrning noyob qadimiy haykallari, diqqatga sazovor joylari va qadriyatlari Luksorni o‘zgacha jozibador maskanga aylantiradi. Har yili bu yerga minglab sayyohlar tashrif buyuradi.

Argos, Yunoniston

Yevropadagi eng qadimiy shahar, hatto mashhur Afinadan ham oldin barpo etilgan. Argos Peloponnes yarimorolida joylashgan bo‘lib, qadimiy xarobalar va diqqatga sazovor madaniy joylar zamonaviy shahar binolari bilan bir qatorda joylashgan. Argos haqidagi eng qadimiy manbalar yunon dostonlarida uchraydi.
  
Bu yerda hozirgacha qad rostlab turgan beshta qadimiy shahar mavjud. Quddus, Afina, Pekin, Balx – bularning barchasi vaqt va tarix sinovidan o‘tgan. Bu yerda hanuzgacha odamlar yashaydi. Ular dunyoning turli burchaklaridan sayyohlar oqimini o‘ziga jalb qilib kelmoqda. Ushbu noyob joylarga sayohat qilish sayyohlarga hayratlanarli voqealar bilan tanishishga imkon beradi.