O‘zbekiston Respublikasi Markaziy banki boshqaruvi Toshkent shahrida “Bank Apelsin” aksiyadorlik jamiyatini ro‘yxatdan o‘tkazish va unga bank faoliyatini amalga oshirish uchun litsenziya berish to‘g‘risida qaror qabul qildi.

“Bank Apelsin” AJning pochta manzili Toshkent shahri, Yunusobod tumani, Sayilgoh ko‘chasi 7-b uyda joylashgan.

Shu kunga qadar Kapitalbankning ilovasi hisoblangan Apelsin endilikda yuridik jihatdan alohidalashmoqda.

Ma’lumot uchun, amaldagi "Bank va Banklar to‘g‘risida"gi qonunga ko‘ra, bir bank boshqa bankning 100 foiz ulushiga egalik qilishi va u bilan birga bank guruhini tashkil etishiga ruxsat beriladi.