Klublar o‘rtasidagi Jahon chempionati 3-turidan o‘rin olgan yana ikki uchrashuv bo‘lib o‘tdi. Musobaqaning “A” guruhidagi so‘nggi ikki bahs — “Inter Mayami” – “Palmeyras” va “Portu” – “Al-Ahli” jamoalari o‘rtasida kechdi. Har ikki o‘yinda ham jangovar durang natijalari qayd etildi.

“Inter Mayami” – “Palmeyras” uchrashuvi ancha qizg‘in o‘tdi va jamoalar 2:2 hisobida durangga imzo chekishdi.

Dastlabki gol 16-daqiqada Tadeo Allende tomonidan kiritildi. 65-daqiqada Luis Suares MLS klubining ikkinchi golini urib, ustunlikni mustahkamladi. Biroq uchrashuv yakuniga yaqin braziliyaliklar hisobni tenglashtirishga muvaffaq bo‘ldi. Dastlab, 80-daqiqada Paulinyo, so‘ng 87-daqiqada Maurisio raqib darvozasini ishg‘ol qildi. Yakuniy hisob 2:2.

A guruhining ikkinchi uchrashuvi — “Portu” – “Al-Ahli” bahsi gollarga boy tarzda o‘tdi. Uchrashuvda jami 8 ta gol kiritildi va yakunda 4:4 hisobidagi jangovar durrang bilan yakunlandi.

Ushbu bellashuvlardan keyin “A” guruhida “Inter Mayami” va “Palmeyras” bir xil 5 ochko to‘plagan holda keyingi bosqichga yo‘l olishdi. 2 tadan ochkoga egalik qilgan “Portu” va “Al-Ahli” musobaqa bilan xayrlashdi.

• Klublar o‘rtasida Jahon chempionati
• Messi