Klublar o‘rtasidagi Jahon chempionati 2-tur uchrashuvida Angliyaning “Manchester Siti” klubi BAAning “Al-Ayn” jamoasiga qarshi maydonga tushdi. Pep Gvardiola shogirdlari raqib darvozasiga javobsiz 6 ta gol urib, yirik hisobda g‘alaba qozonishdi.

Hisobni 8-daqiqada Ilkay Gundo‘g‘an ochdi. Uchrashuvning 27-daqiqada esa argentinalik iqtidor Klaudio Echeverri ajoyib jarima zarbasini ijro etgan holda hisobni 2:0 ko‘rinishiga keltirib qo‘ydi. Taym so‘nggida Erling Holand penaltidan gol urib, tanaffusga “shaharliklar”ning 3:0 chiqib ketishini ta’minladi.

Ikkinchi bo‘limda ham ustunlikni to‘liq “Siti” tomonida bo‘ldi. 73-daqiqada Gundo‘g‘an dublini nishonlagan bo‘lsa, 84-daqiqaga kelib Oskar Bobb ham o‘z nomini tabloga yozdirib qo‘ydi. “Shaharliklar”ning so‘nggi golini 89-daqiqada Rayan Sherki tomonidan kiritdi. Ushbu g‘alaba evaziga “Manchester Siti” 2 ta o‘yindan keyin 6 ochko to‘plab, pley-off bosqichiga yo‘l oldi. 

O‘zbekistonlik himoyachi Abduqodir Husanov o‘yinni asosiy tarkibda boshlab, 61-daqiqada maydonda harakat qildi. Shuningdek, u 58-daqiqada hakam tomonida sariq kartochka bilan ogohlantirildi.

• Abduqodir Husanov
• Klublar o‘rtasida Jahon chempionati
• Manchester Siti