Hammaning tilidan tushmayotgan filmni siz ham ko‘rgandirsiz, ehtimol. Keling, endi filmning suratga olinishi, bungacha qanday tayyorgarliklar bo‘lgani va ulkan muvaffaqiyati haqidagi faktlar bilan tanishamiz.

1. Ki-djon (Pak So-dam) ukasiga Yonso universiteti uchun hujjatlarini soxtalashtiradi. Bu Janubiy Koreyaning eng obro‘li universitetlaridan biri bo‘lib, film rejissyori Pon Chjun Xo shu yerda o‘qigan.

2. Pak oilasining uyi film suratga olinguniga qadar noldan qurilgan. Rejissyor Pon Chjun Xo uning tuzilishiga oid juda ko‘p chizmalar qiladi, ammo haqiqiy arxitektordan konsultatsiya olganida, “Hech qaysi ahmoq uyni bunday qurmaydi. Bu kulgili” degan javob oladi.

3. Qahramonlar yashiringan qahva stoli film uchun maxsus yaratilgan. Uning tagiga to‘rtta katta yoshli odam sig‘ishi ko‘zda tutilgan.

4. Filmda rol ijro etish uchun Chan Xe-djin (ona) 15 kilogramga semirishiga to‘g‘ri kelgan. Aktyor Chxve U-shik (repetitor) yoshroq ko‘rinish uchun 7 kilogramga ozgan.

5. Filming rasmiy oq-qora versiyasi mavjud.

6. Premyeragacha “Parazitlar”ni namoyish qilish huquqi 192 ta mamlakatga sotilgan, bu Janubiy Koreya filmografiyasida rekord ko‘rsatkich.

7. “Parazitlar” Kann festivalining oliy mukofotini olgan ilk Janubiy Koreya filmi bo‘ldi. Bu koreys kinosining yuz yilligida amalga oshdi. Premyeradan keyin tomoshabinlar tik holda 15 daqiqa davomida qarsak chalib turdi. 

8. “Parazitlar” – “Eng yaxshi film” nominatsiyasida “Oskar” olgan ilk ingliz tilida bo‘lmagan filmdir. 

9. Film 77 kunda suratga olingan.