Ta’lim tizimini raqamlashtirish doirasida maktablarda davomatni nazorat qilishning yangi tizimi joriy etilmoqda.

Unga ko‘ra, davomat “e-maktab” platformasi hamda “aqlli” kameralar yordamida kuzatib boriladi.

Sababsiz dars qoldirgan o‘quvchilarning ota-onalariga dastlab rasmiy ogohlantirish yuboriladi. Farzandini maktabga yubormagan ota-onalar esa Ma’muriy javobgarlik to‘g‘risidagi kodeksning 47-moddasiga muvofiq javobgarlikka tortilishi mumkin.

Jarima miqdori bazaviy hisoblash miqdorining 1 baravaridan 10 baravarigacha etib belgilanishi ko‘zda tutilgan.

Hozirda ushbu loyiha Toshkent shahrining Mirzo Ulug‘bek tumanidagi maktablarda sinov tariqasida joriy etilmoqda.