Birlashgan Arab Amirliklari (BAA) Arab neft eksport qiluvchi mamlakatlar tashkiloti (OAPEK) safidan chiqdi. Bu haqda tashkilotning X ijtimoiy tarmog‘idagi rasmiy bayonotida ma’lum qilindi.
Qayd etilishicha, BAAning tashkilotni tark etish qarori 1-maydan kuchga kirgan. OAPEK Bosh kotibiyati esa Amirliklarga a’zolik davridagi faol ishtiroki va neft-energetika sohasidagi qo‘shma hamkorlikni rivojlantirishga qo‘shgan hissasi uchun minnatdorlik bildirdi.
Eslatib o‘tamiz, aprel oyi oxirida BAA Neft eksport qiluvchi mamlakatlar tashkiloti (OPEK) hamda OPEK+ kelishuvidan chiqqanini e’lon qilgan edi.
1968-yilda tashkil etilgan OAPEK OPEKdan farqli ravishda neft qazib olish kvotalari yoki narxlarni belgilash bilan shug‘ullanmaydi. Tashkilot asosan a’zo davlatlar o‘rtasida neft sanoatining iqtisodiy yo‘nalishlari bo‘yicha hamkorlikni rivojlantirishga qaratilgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!