Sochlaringizni uzun qilib o‘stirishni istaysizmi? Buni qanday uddalashni bilmayapsizmi? Bu borada sizga yordam beramiz...

1-tavsiya
Uzun sochlarning eng yaqin do‘sti bu qaychidir! Ha, aynan qaychi! Nega, deysizmi? Sochlarni kesmasdan o‘stirmoqchi bo‘lganlar qattiq yanglishadi. Chunki, sochlarni oz-ozdan kesib turish, ularning salomatligini mustahkamlaydi, “gullagan” soch uchlarini kesib turmasangiz, ularning o‘sishi sekinlashadi. Sochga qaychi tekkizib turish, ularning uzun bo‘lib o‘sishiga zamin yaratadi.

2-tavsiya
Har gal bosh yuvganda, konditsionerdan foydalanishni unutmang. Chunki, sochni tez-tez bo‘yash va soch quritgichda quritaverish ularni zaiflashtiradi. Konditsioner esa sochlar uchun yog‘ va oqsillar o‘rnini bosib, soch tolasini mustahkamlaydi. 
Sochga surtilgan konditsionerni sovuqroq suvda chayqab tashlash kerak. Biroz sovuqroq suv sochning ustki qatlamini yumshatib, ularning namlik yo‘qotishining oldini oladi. Bunday suv sochlar o‘sishini ham ta’minlaydi.

3-tavsiya
Shampundan ham ko‘p foydalanmang. Shampunning vazifasi sochni kirdan xalos qilish. Agar uni me’yordan ortiq ishlatsangiz, u soch terisi ostidagi yog‘larni ham yuvib ketadi. 

4-tavsiya
Har kuni sochingizga foydali, yog‘li niqoblar surting. Niqob o‘rnida, kokos, bodom, jojoba, kanakunjut kabilarning moyini surtish foydali. Ularni boshda 10-60 daqiqagacha qoldiring, vaqt o‘tgach shampun bilan yuvib tashlang.

5-tavsiya
Sochlarni xuddiki ular oltindan iboratdek tarang, ehtiyotlang. Ularni hadeb tarayverish ham zarar yetkazishini unutmang. 
Boshni yuvib bo‘lgach, ularni qo‘llaringiz bilan tarash foydali. Oldin soch uchlaridagi, keyin yuqorisidagi chigalliklarni yozing.

6-tavsiya
Yostiq jildiga ham e’tibor berish kerak. U ipak, satin-ipak, paxta kabi matolardan tikilgan bo‘lsa ayni muddao. Ular sochlarning chigal bo‘lish darajasini kamaytiradi.

7-tavsiya
Sochni sochiq bilan qattiq ishqalamang. Ularni qalin sochiqqa ham o‘rab qo‘ymang. Negaki, bu holatda soch tolasi sinishi mumkin. Mexanik jarohatlanishdan ehtiyotlash uchun ularni yupqa, mikrotolali sochiq bilan yengil arting.   

8-tavsiya
Agar sochlaringiz nozik va yupqa bo‘lsa, ularni “dumcha” shaklida kamroq yig‘ing. Yaxshisi, sochingizni chambarak shaklida, ingichka soch to‘g‘nog‘ichlari bilan yig‘ishning o‘zi kifoya.

9-tavsiya
Soch quritgichlardan ko‘p foydalanish zarar keltirishi ko‘p bora aytilgan. Ular soch tarkibidagi suvni tortib oladi, ularni quritib qo‘yadi. Oqibatda sochlar o‘sishi sekinlashadi.