“UzAuto Motors” АЖ 2 декабрь, душанба куни Chevrolet Cobalt GX-STYLE AT PLUS ва GX-MIDNIGHT AT автомобиллари учун тўлов муддати тугашини маълум қилди.

“Фурсатдан фойдаланиб, UzAuto Motors фуқаролардан фирибгарлардан эҳтиёт бўлишларини, жумладан, эълонлар жойлашган сайтлар (доскалар) ва бошқа ташқи сервислар орқали “шартнома сотиб олиш” бўйича шубҳали таклифларга рози бўлмасликларини қатъий сўрайди. Шунингдек, UzAutoSavdo платформасида харидор ёки дилер мижознинг маълумотларини ўзгартириш имкониятига эга эмаслигини таъкидлашни зарур деб ҳисоблайди.

Агар сизда саволлар бўлса, компания Call- маркази +998 78-141-7777 рақамига мурожаат қилишни тавсия қилади” – дейилади хабарда.

• UzAutoMotors
• shartnoma