Anadolu агентлигининг маълум қилишича, Исроил армиясининг Ғазо шаҳридаги Шифа касалхонаси яқинидаги журналистлар жойлашган чодирга уюштирган ҳужумида беш нафар журналист, жумладан, икки нафар Al Jazeera мухбири ҳалок бўлган.

Al Jazeera мухбирлари Энес эш-Шариф, Муҳаммад Курайка ва уч оператор ҳужумда ҳалок бўлгани айтилди.

Исроил армияси эса ўз баёнотида Энес эш-Шарифнинг ўлдирилганини тан олган.

Баёнотда айтилишича, Шариф “Ҳамасда гуруҳ раҳбари сифатида хизмат қилгани ва Исроилга ракета ҳужумларини режалаштиргани” учун нишонга олинган.

Расмийларнинг хабарига кўра, 2023 йил 7 октябрдан буён Исроилнинг Ғазодаги ҳужумларида ҳалок бўлган журналистлар сони 237 нафарга етган.

Ҳукуматнинг Ғазодаги матбуот бўлими ҳужумда ҳалок бўлганлар сафида фотожурналистлар Иброҳим Зоҳир, Мўмин Аливе ва Муҳаммад Навфал бўлганини, воқеада бошқа кўплаб журналистларнинг ҳам жароҳатланганини эълон қилган.

“Исроил армиясининг журналистлар ва оммавий ахборот воситаларини нишонга олиши ҳақиқатни ўчириш ва геноцид жиноятлари изларини йўқ қилиш, Ғазо секторида амалга оширилган ваҳшиёна қирғинларни яширишга қаратилган тўлиқ ҳарбий жиноятдир”, – дейилади баёнотда.

• Фаластин
• Isroil
• jurnalist