Сурхондарё вилояти пахтакорлари Ўзбекистонда биринчи бўлиб жорий йилги пахта топшириш шартномавий режасини ортиғи билан бажарди. Қабул шохобчаларига 275 минг 600 тоннадан ортиқ сифатли хом ашё топширилган. Бу ҳақда Сурхондарё вилояти ҳокимлиги хабар берди.

Президент ташаббуси билан пахтачиликда хорижнинг илғор тажрибалари қўлланилаётгани, пахтачилик-тўқимачилик кластерлари ташкил этилиб, чигит экишдан ҳосил пишиб етилгунча ниҳоллар меҳр билан парваришланаётгани, деҳқон ва фермерлар учун соҳанинг даромад манбаига айлангани вилоят миришкорларининг ютуқларни йилдан-йилга мустаҳкамлашига қулай муҳит яратди.

Ҳосилни ўз вақтида ва сифатли йиғиб олиш учун 1 минг 277 та терим отряди ташкил этилиб, терилган хом ашёни қабул шохобчаларига етказиб бериш учун 2 минг 10 та трактор ва 2 минг 965 та тиркама жалб этилган.

• Пахта
• Сурхондарё