АҚШнинг Техас штатида енгил самолёт ҳалокатга учради. Ҳодиса Форт-Уэрт шаҳри яқинидаги Хикс аэропорти ҳудудида содир бўлган. Бу ҳақда CBS телеканали хабар берди.

Хабарда айтилишича, самолёт соғлиқни сақлаш соҳасида фаолият юритувчи Mobile EHR компаниясига тегишли бўлган. У тўққиз нафар йўловчини ташишга мўлжалланган. Дастлабки маълумотларга кўра, ҳалокат оқибатида икки киши ҳалок бўлган.

Қутқарув хизматлари маълум қилишича, самолёт Таррант округи ҳудудидаги Business 287 автомобиль йўли яқинида ерга қулаган.

Ҳодиса юзасидан Федерал авиация бошқармаси (FAA) ва Миллий транспорт хавфсизлиги кенгаши (NTSB) томонидан тергов бошланган. Ҳозирча жароҳатланганлар сони ва ҳалокат сабаблари тўғрисида маълумот берилмаган.

• АҚШ
• Авиаҳалокат
• Samolyot