Расмийларга кўра, 2025 йил бошидан буён ўзбекистонлик аёллар учун 41 051 та ҳимоя ордери берилган. 512 нафар аёл ва уларнинг 709 нафар фарзанди реабилитация ва мослашиш марказларига жойлаштирилди.

Ижтимоий ҳимоя миллий агентлиги матбуот хизматининг маълум қилишича, Ўзбекистонда 2025 йилнинг биринчи ярмида таъқиб ва зўравонликдан жабр кўрган аёллар учун 41 051 та ҳимоя буйруғи чиқарилган.

“Инсон” ижтимоий хизмат кўрсатиш марказлари томонидан зўравонликка учраган 11 минг 914 нафар аёлга кундузи ижтимоий хизмат кўрсатилган. Шунингдек, бирламчи қўллаб-қувватлаш пунктларида 4006 нафар аёлга ижтимоий ёрдам кўрсатилган.

512 нафар аёл ва уларнинг 709 нафар фарзанди реабилитация ва мослашиш марказларига жойлаштирилиб, уларга зарур ижтимоий хизматлар ҳам кўрсатилганлиги маълум қилинди.

• Аёллар
• Ижтимоий ҳимоя