Кеча, 19 апрель куни бўлиб ўтган А Серия 33-тур учрашувида “Рома” ўз майдонида “Верона”ни 1:0 ҳисобида мағлуб этди.

Учрашувнинг ягона ва мезбонларга ғалаба келтирган голини ўзбекистонлик ҳужумчи Элдор Шомуродов 4-дақиқада киритди. Ушбу голга Сауле ажойиб тарзда узатма амалга оширди. Шомуродов учун бу сўнгги учта ўйинда иккинчи гол бўлиб, у жамоасининг 17 ўйиндан иборат мағлубиятсиз серияси давом этишига ҳисса қўшди. Учрашувдан сўнг, Элдор DAZN'га берган интервьюсида жамоасининг асосий мақсади ЕЧЛ йўлланмасига эга чиқиш эканлигини таъкидлаб, бу йўлда “Рома”га қўлдан келганча ёрдам беришини айтиб ўтди. Ушбу ғалаба билан “Рома” муҳим уч очкони қўлга киритди.

Эслатиб ўтамиз, ўзбек ҳужумчиси кеча “Маn of the match” совринига ҳам эгалик қилди. Элдор аввалроқ “Ювентус”га қарши баҳсда ҳам учрашувнинг энг яхшиси деб топилган эди.

• А Серия
• Елдор Шомуродов
• Рома