Россия Премер лигасининг 10-туридан ўрин олган “ЦСКА” ва “Ахмат” жамоалари учрашуви якунланди. Ушбу ўйинда 3-0 ҳисобида мезбонлар ғалабага эришди. Муҳим жиҳати шундаки  беллашувнинг 19-дақиқасида 20 ёшли ўбекистонлик футболчи Аббосбек Файзуллаев жарима майдончаси ташқарисидан аниқ ва мураккаб зарба йўллаб ҳисобни очди.

Жамоалар танаффусга чиқиши олдидан Келлвен ҳисобдаги фарқни оширди. Танаффусдан сўнг учрашувнинг 50-дақиқасида Файзуллаев ўзининг иккинчи голига муаллифлик қилди. Натижада ҳамюртимиз бугунги учрашувнинг энг яхши ўйинчиси дея эътироф этилди.

Ушбу ўйиндан сўнг Аббосбек Файзуллаевнинг статистикаси 2та гол ва 2та ассист кўринишида бўлиб турибди. “ЦСКА” жамоаси эса Россия Премер лигасида 4-ўринга чиқиб олди.

• Аббосбек Файзуллаев
• Футбол
• Россия