Кариб минтақасига кирувчи 15 та давлат Британияга қарши репарациялар режасини ишлаб чиқмоқда. Унда тўлиқ ва расмий кечирим сўраш, таълим дастурлари, ташқи қарзларни кечиш ва пул компенсациялари каби пунктлар бор.

Худди шундай талаблар Африка Иттифоқига аъзо мамлакатлар томонидан ҳам тайёрланмоқда. Улар ХВ–XIX асрларда Европанинг қулдорлик савдоси сиёсатидан жабр кўрган миллионлаб инсонлар учун адолат тикланишини истамоқда. Reuters агентлигининг ёзишича, бу давр мобайнида 12,5 миллиондан зиёд одам қул сифатида олиб кетилган.

Шу билан бирга, айрим Европа етакчилари бу каби талабларга кескин қарши чиқмоқда. Улар тарихий хатолар учун ҳозирги давлатлар жавобгар бўлмаслиги керак, деган фикрда.

Масалан, ўтган йили Самоадаги Саммит арафасида Буюк Британия бош вазири Кир Стармер шундай баёнот берган:

“Мен келажакка қарашни афзал биламан, репарациялар ҳақида охири кўринмас мунозараларда иштирок этишни эмас”, — деган у.

Айтиш жоиз, АҚШнинг Калифорния штати губернатори Гевин Нюсом жорий йил октябрида Америкадаги қора танли қуллар авлодлари учун репарациялар бўйича махсус бюро ташкил этиш тўғрисидаги қонунга имзо чеккан.

• Afrika
• Буюк Британия