Америкалик актёр Жим Керри Лос-Анжелесдаги уйини сотишда қийинчиликларга дуч келди. “New York Post” нашрининг ёзишича, актёр бир йил давомида кўчмас мулкни сотувга қўйиб келган. Лекин нархи сезиларли даражада пасайганидан кейин ҳам уй ўз харидорларини топа олмаган. Мазкур уйда Керри 30 йил давомида яшаб келган. 1994 йилда актёр уйни 3,8 миллион долларга харид қилган эди. Уйнинг майдони 1180 квадрат метрни ташкил этади.

Уйнинг шифтлари баланд, эшиклари француз услубда, яшаш хоналари кенг бўлиб, мармар ҳайкаллар билан жиҳозланган ҳашаматли ҳаммом, уй кинотеатри, ёрқин нонушта майдони ва ошхонадан иборат. Ҳовлида сузиш ҳавзаси, теннис корти, кўркам боғ ва дам олиш учун қулай майдонлар мавжуд.

Ҳозирда актёр уй учун 23,95 миллион доллар сўрамоқда.

• Jim Kerri
• Los-Anjeles