Андижон аэропорти 20 мартдан мунтазам йўловчи қатновларини қабул қила бошлайди. Биринчи рейс Тошкент – Андижон – Тошкент йўналиши бўйича амалга оширилади.

Бугундан Silk Avia US601/US602 рейслари учун чипталар сотуви бошланган, улар АТR-72-600 самолётларида сешанба ва пайшанба кунлари қуйидаги жадвалга мувофиқ амалга оширилади:

Тошкентдан жўнаб кетиш 11:20, Андижонга етиб келиш 12:20;

Андижондан жўнаш соат 13:00, Тошкентга етиб келиш соат 14:00.

Келгусида Андижон аэропортига халқаро рейсларни қайта йўлга қўйиш ҳам режалаштирилган.

Андижон аэропортда реконструкциянинг биринчи босқичи якунланди, унинг доирасида аэродром мажмуасининг салмоқли қисми, жумладан, узунлиги 3300 метр ва кенглиги 60 метр бўлган янги 4Е тоифали учиш-қўниш йўлаги, юриш йўлаги ва 3 та самолётлар тўхташ жойи бўлган перрон қурилиши якунланган. Терминал биноси эса, ҳозирги ҳолатида қолмоқда. Терминал қисмидаги ишлар реконструкциянинг иккинчи босқичида амалга оширилиши режалаштирилган.

• Аэропорт
• Андижон