Андижон вилояти Фавқулодда вазиятлар бошқармаси хабарига кўра, шу йилнинг 26 февраль куни соат 20:10 ларда Андижон шаҳар Найман кўчасида жойлашган тадбиркорлик субъектига тегишли бўлган савдо дўконида ёнғин бўлган.

Келиб тушган хабарга асосан ёнғин қутқарув экипажи соат 20:12 да айтилган манзилга етиб борган ва ёнғин соат 20:35 да батамом ўчирилган.

Маълумотларга кўра, ёнғин оқибатида савдо дўконининг 80 м.кв майдонда шифт том қисми ва савдо дўкони ичидаги буюмлари ёниб зарарланган.

Ёнғин оқибатида тан жароҳат олганлар йўқ. Ҳозирда ёнғиннинг келиб чиқиш омиллари ва моддий зарар миқдори аниқланмоқда.

• Андижон
• ФВВ
• ёнғин