Антарктида музлари остида яширин қадимий дарёлар, улкан тепаликлар ва водийлар ландшафти борлиги аниқланди.

Маълум бўлишича, музлар остидан топилган ландшафтнинг майдони Бельгия ҳудудидан каттароқ. Олимларнинг фикрича, у "вақтда музлатилган", чунки миллионлаб йиллар давомида ўзгаришсиз турган. Уни топишга қисман глобал исиш сабаб музларнинг эриши ёрдам берди.

"Бу 32 000 квадрат километр майдонда бир вақтлар ўрмонлар ва эҳтимол ҳайвонлар яшайдиган жой бўлган. Аммо кейин музлаб, "вақт оралиғида қотиб қолган”. Бу яширин оламга охирги марта қачон қуёш нури тушганини аниқлаш қийин", дейди тадқиқотчилар.

Баъзи тадқиқотчилар бу камида 14 миллион йил олдин содир бўлган деган фикрда. Лекин янада чуқурроқ қарайдиган Жеймисон фикрича, "яширин дунё" охирги марта қуёш нурини 34 миллион йил олдин, Антарктида биринчи марта музлаган пайтда кўрган.

• Antarktida