АҚШ Саудия Арабистонига бешинчи авлод F-35 қирувчи самолётларини етказиб беришни режалаштирмоқда.

Бу ҳақда АҚШ президенти Доналд Трамп Оқ уйда журналистлар билан бўлиб ўтган суҳбатда маълум қилди.

“Ҳа, буни айтаман. Биз шуни режалаштиряпмиз. F-35 ларни сотамиз”, – деган Қўшма Штатлар раҳбари.

18 ноябрь куни Саудия Арабистони валиаҳд шаҳзодаси Муҳаммад бин Салмон Ол Сауд 2018 йилдан буён илк бор Вашингтонга ташриф буюради. Bloomberg агентлигининг хабар беришича, Ар-Риёд АҚШдан Қатарга илгари берилган хавфсизлик кафолатлари каби хавфсизлик кафолатларини талаб қилмоқда. Сентябрь ойи охирида Доналд Трамп Вашингтон Қатар ҳудуди, суверенитети ва асосий инфратузилмасига қарши ҳар қандай қуролли ҳужумни АҚШ тинчлиги ва хавфсизлигига таҳдид деб билиши ҳақидаги фармонни имзолади. Шунингдек, Америка ОАВлари Саудия Арабистони АҚШ билан F-35 қирувчи самолётларини сотиб олиш бўйича музокаралар олиб бориш ниятида эканини хабар қилди.

• АҚШ
• Ҳамкорлик
• Samolyot
• Саудия Арабистони
• Трамп