Қўшма Штатлар, Жанубий Корея ва Япония Россия ҳамда Шимолий Корея ўртасидаги эҳтимолий қурол-яроғ битимига қарши чоралар кўришга ваъда берди. Бу ҳақда Yonhap агентлиги Жанубий Корея Ташқи ишлар вазирлигига таяниб хабар берди.

Тегишли баёнот Нью-Йоркда Жанубий Корея Ташқи ишлар вазири Пак Жин ва унинг америкалик ва япониялик мавқедошлари Энтони Блинкен ва Ёко Камикава ўртасидаги учрашувда маълум қилинди.

Учрашувда вазирлар КХДР етакчиси Ким Чен Иннинг Россияга ташрифи ва унинг Россия президенти Владимир Путин билан учрашуви, хусусан, Москва ва Пхеньян ўртасидаги қурол-яроғ бўйича эҳтимолий келишув мавзусини муҳокама қилган.

Учта давлат Ташқи ишлар идоралари раҳбарлари Россия ва Шимолий Корея ўртасидаги ҳарбий ҳамкорликдан чуқур хавотир билдириб, эҳтимолий қурол-яроғ келишуви Бирлашган Миллатлар Ташкилоти Хавфсизлик Кенгаши резолюцияларини бузишини таъкидладилар.

Шимолий Корея етакчисининг Россия Федерацияси президенти билан учрашуви жорий йилнинг 13 сентябрь куни Амур вилоятидаги “Восточний” космодромида бўлиб ўтган эди.

• АҚШ
• Жаҳон
• Janubiy Koreya
• КХДР
• Қурол
• Россия
• Шимолий Корея
• Япония