Apple Insider маълум қилишича, АҚШ полицияси ўғирлаб кетилган 575 минг долларлик Ferrari 2023ъни топди, уларга автомобиль эгасининг салонда қолдирган AirPods қулоқчинлари ёрдам берди.

Полиция ходимлари қулоқчинларнинг жойлашувини кузатиб, ёнилғи қуйиш шохобчасигача борган. У ерда гумонланувчи яширинишга улгурган бўлса-да, унинг шахси бошқа қурилма — ўғри машинадан чиқиб қочаётганда тушириб қўйган шахсий iPhone телефони орқали тезда аниқланди.

Автомобиль эгаси салонда қолдирган қулоқчинлар, ўғрининг ёнидаги iPhone туфайли Find My иловасига ўзининг аниқ жойлашувини юбориб турган.

Бу эса Феррариъни кузатиб топишга ёрдам берган. Жиноятчи 22 ёшли Дион Шоттен экани маълум қилинди. У ҳибсга олиниб, транспорт воситасини ўғирлашда айбланди.Унинг шериги, 19 ёшли Кион Вебстер ҳам қўлга олинди.

Тергов аниқлашича, иккала гумонланувчи ўғирланган автомобилни навбатма-навбат бошқарган.

• Apple
• Lifestyle
• iPhone