Аргентиналик ҳужумчи Серхио Агуэро “Барселона”ни судга берди. Бу ҳақда AS нашри хабар берди.

Қайд этилишича, Агуэро 2021 йил “Ман Сити” билан шартномаси тугаллангач, “Барселона”га ўтади ва каталонлар билан 2 йиллик шартнома имзолайди.

“Барселона” таркибида ҳаммаси бўлиб 5 та ўйин ўтказган футболчи юрагидаги муаммо сабаб футболчилик фаолиятини якунлайди.

Серхио Агуэро ўшанда клуб унга биринчи мавсум учун маошларни тўлаши кераклигини маълум қилганди. Ҳужумчи шартномадаги иккинчи мавсум учун ҳеч нарса сўрамаслиги, унга фақат биринчи мавсум учун 3 млн евро тўланиши кераклигини қўшимча қилган.

“Барселона” ўшанда футболчининг талабига рози бўлган, бироқ бу суммани суғурта компанияси орқали футболчига тўлаб бермоқчи бўлган.

Бироқ суғурта компанияси бу тўловни амалга оширишни рад этган. Компания Агуэро юрагидаги муаммони “Барса”га келмасдан туриб орттирганини сабаб қилган.

Шу тариқа томонлар келиша олишмаяпти.

• Барселона