Клублар ўртасидаги Жаҳон чемпионати 2-тур учрашувида Англиянинг “Манчестер Сити” клуби БААнинг “Ал-Айн” жамоасига қарши майдонга тушди. Пеп Гвардиола шогирдлари рақиб дарвозасига жавобсиз 6 та гол уриб, йирик ҳисобда ғалаба қозонишди.

Ҳисобни 8-дақиқада Илкай Гундўған очди. Учрашувнинг 27-дақиқада эса аргентиналик иқтидор Клаудио Эчеверри ажойиб жарима зарбасини ижро этган ҳолда ҳисобни 2:0 кўринишига келтириб қўйди. Тайм сўнггида Эрлинг Ҳоланд пенальтидан гол уриб, танаффусга “шаҳарликлар”нинг 3:0 чиқиб кетишини таъминлади.

Иккинчи бўлимда ҳам устунликни тўлиқ “Сити” томонида бўлди. 73-дақиқада Гундўған дублини нишонлаган бўлса, 84-дақиқага келиб Оскар Бобб ҳам ўз номини таблога ёздириб қўйди. “Шаҳарликлар”нинг сўнгги голини 89-дақиқада Раян Шерки томонидан киритди. Ушбу ғалаба эвазига “Манчестер Сити” 2 та ўйиндан кейин 6 очко тўплаб, плей-офф босқичига йўл олди. 

Ўзбекистонлик ҳимоячи Абдуқодир Ҳусанов ўйинни асосий таркибда бошлаб, 61-дақиқада майдонда ҳаракат қилди. Шунингдек, у 58-дақиқада ҳакам томонида сариқ карточка билан огоҳлантирилди.

• Abduqodir Husanov
• Клублар ўртасида Жаҳон чемпионати
• Manchester Siti