Клублар ўртасидаги Жаҳон чемпионати 3-туридан ўрин олган яна икки учрашув бўлиб ўтди. Мусобақанинг “А” гуруҳидаги сўнгги икки баҳс — “Интер Маями” – “Палмейрас” ва “Порту” – “Ал-Аҳли” жамоалари ўртасида кечди. Ҳар икки ўйинда ҳам жанговар дуранг натижалари қайд этилди.

“Интер Маями” – “Палмейрас” учрашуви анча қизғин ўтди ва жамоалар 2:2 ҳисобида дурангга имзо чекишди.

Дастлабки гол 16-дақиқада Тадео Алленде томонидан киритилди. 65-дақиқада Луис Суарес МЛС клубининг иккинчи голини уриб, устунликни мустаҳкамлади. Бироқ учрашув якунига яқин бразилияликлар ҳисобни тенглаштиришга муваффақ бўлди. Дастлаб, 80-дақиқада Паулинё, сўнг 87-дақиқада Маурисио рақиб дарвозасини ишғол қилди. Якуний ҳисоб 2:2.

А гуруҳининг иккинчи учрашуви — “Порту” – “Ал-Аҳли” баҳси голларга бой тарзда ўтди. Учрашувда жами 8 та гол киритилди ва якунда 4:4 ҳисобидаги жанговар дурранг билан якунланди.

Ушбу беллашувлардан кейин “А” гуруҳида “Интер Маями” ва “Палмейрас” бир хил 5 очко тўплаган ҳолда кейинги босқичга йўл олишди. 2 тадан очкога эгалик қилган “Порту” ва “Ал-Аҳли” мусобақа билан хайрлашди.

• Клублар ўртасида Жаҳон чемпионати
• Месси