Калифорниянинг SETI институти қошидаги Карл Саган маркази олимлари Ураннинг йўлдоши – Миранда реголити юзасини илк марта тадқиқ қилишга муваффақ бўлишди. Мазкур илмий иш самовий жисмнинг ички тузилиши ва унинг қаърида нималар яширинганини ўрганишга ёрдам беради.

Реголит тупроқ ва чанг қатлами билан қопланган жинсдан иборат. Бу турдаги реголит Ойда ҳам мавжуд эканлиги маълум. Аммо Ердаги тупроқдан фарқли равишда у қуруқ ва "жонсиз" ҳисобланади.

Олимлар Миранда юзасидаги кратерларнинг эни ва чуқурлигини ҳам ўрганиб чиқишган. Самовий жисм юзасидан жой олган, диаметри 25 километрга тенг келадиган Алонсо кратерига алоҳида эътибор қаратилган.

Мутахассисларнинг фикрича, Юпитернинг йўлдоши – Европа ва Сатурн йўлдоши – Энцеладада ҳам ички океанлар мавжуд. Уларга келгусида ҳаёт кечириш мумкин бўлган объект сифатида қаралади.

• Коинот
• илм-фан
• kosmos
• тадқиқот