Кеча, 26 октябрь куни тунда футбол бўйича Испания чемпионатининг 11-туридан ўрин олган марказий учрашув бўлиб ўтди.

Унда Мадриднинг “Реал” клуби Каталониянинг “Барселона” клубини қабул қилди. Учрашувнинг биринчи бўлими тенг курашлар остида ўтди. Мезбонлар ҳужумчилари Винисиус ва Мбаппе голга жуда яқин келди. Аммо улар уюштирган ҳужумларнинг аксари офсайд сабаб ҳакам томонидан тўхтатилди.

30-дақиқада Мбаппе ҳисобни очди. Гол офсайд деб топилиб, бекор қилинди.

Учрашувнинг 54-дақиқасида Левандовски ҳисобни очди. Икки дақиқа ўтиб Левандовски бош билан гол уриб ҳисобни меҳмонлар учун ишончли ҳолатга келтирди.

Шундан сўнг, 77-дақиқада Ямал ҳисобни 0:3 га етказди. 84-дақиқада Рафиня ҳисобдаги фарқни 4 тага етказиб қўйди.

Иккинчи бўлимда майдон эгаларидан ҳам бир қатор имкониятлар юзага келди. Бироқ Анчелотти шогирдларига бироз омад етишмади.

Шу тариқа меҳмонда ғалаба қозонган “Барса” ўз ҳисобидаги очколари сонини 30 та етказиб олди ва “Реал” билан орадаги фарқни 6 тага етказди.

“Реал Мадрид” – “Барселона” 0:4

Голлар: 0:1 – Левандовски (54), 0:2 – Левандовски (56), 0:3 – Ямал (77), 0:4 – Рафиня (84).

“Реал Мадрид”: – Лунин, Менди, Рюдигер, Милитао, Васкес, Камавинга (Браим Диас, 77), Тчуамени (Модрич, 63), Валверде, Беллингҳем, Винисиус Жуниор, Мбаппе.

“Барселона”: Пеня, Балде, Мартинес, Кубарси, Кунде, Педри, Касадо (Олмо, 65), Лопес (де Ёнг, 46), Рафиня, Ямал, Левандовски.

• Барселона
• Левандовски
• Mbappe
• Real
• Винисиус